28 авг 07:27
Янгиликлар

Хоккей

Ўзбек хоккейи учун яна бир тарихий воқеа: 16 ёшли ўзбек "Ҳумо" билан шартнома имзолади!

Тошкентнинг "Ҳумо" хоккей клуби яна бир ўзбекистонлик хоккейчини ўз сафига қўшиб олди.

16 ёшли Жасурбек Рустамхонов эндиликда "қанотлилар" учун ўйнайди. Жасурбек Рустамхонов 2007 йилнинг 16 май санасида Тошкент шаҳрида туғилган. У Тошкентнинг "Бинокор" жамоаси тарбияланувчиси ҳисобланади. Ўтган мавсум "Бинокор" билан биргаликда Ўзбекистон чемпионатининг кумуш медалига эга чиқди.

Шунингдек, Жасурбек, ўтган йилги Осиё ва Океания U18 чемпионати чемпиони ва энг яхши тўпурари ҳисобланади. Рустамхонов "Ҳумо"да 8-рақам остида ҳаракат қилади.

Маълумот учун, айни дамда "Ҳумо"да Жасурбек Рустамхоновдан ташқари Жавоҳир Расулов ва Даниэль Коган каби Ўзбекистон вакиллари ҳаракат қилади.