Ўзбекистон делегацияси Париж-2024 учун яна бир йўлланмани қўлга киритди!

Аҳамиятлиси, Париж-2024 Олимпиадаси учун лицензиялар ўйналадиган мусобақанинг илк куниёқ терма жамоамиз учун омадли кечди.

Яккалик йўналишининг кўпкураш дастурида иштирок этган терма жамоамиз аъзоси Абдулла Азимов тўрт йилликнинг энг муҳим комплекс мусобақаси учун лицензияни нақт қилди. Спортчимиз ўз чиқиши орқали жами 82.431 балл жамғарди ва Осиё чемпионатининг бронза медалини қўлга киритди. Бироқ мусобақада биринчи ва иккинчи ўрин эгалари ҳисобида Олимпиада йўлланмаси бўлгани боис, лицензияси йўқ атлетлар орасида энг юқори натижа қайд этган юртдошимиз Париж-2024 йўлланмасига эга чиқди. 

Яна бир аҳамиятли жиҳати, спорт гимнастикаси бўйича Ўзбекистон эркаклар терма жамоаси ўз тарихида биринчи бор Олимпия ўйинларига учта йўлланмани қўлга киритди.