Ўзбекистон Республикаси Спорт вазири ўтказган йиғилишда қандай масалалар муҳокама қилинди?

Йиғилишда “Беш ташаббус олимпиадаси” доирасида ташкил этилаётган оммавий спорт мусобақалари, “Жисмоний тайёргарлик даражаси” спорт синовларини қабул қилиш ҳамда спорт мактаблари томонидан гуруҳларни тўлдириш бўйича амалга оширилаётган ишлар кўриб чиқилди.

Шунингдек, жойларда вазирлик раҳбарияти томонидан ўтказилаётган ўрганиш ва масалаларга амалий кўмак кўрсатиш борасида амалга оширилаётган ишлар санаб ўтилди.

Шундан сўнг, мусобақалар натижаларини электрон платформада қайд этиш орқали ёшлар қамровини кенгайтириш, спорт синовларини қабул қилиш ишларини янада жадаллаштириш ҳамда спорт гуруҳларига спортчиларни қабул қилиш ишлари бўйича берилган топшириқ ижроси юзасидан масъулларнинг ҳисоботлари тингланди.

Йиғилиш якуни билан, ҳудудий спорт раҳбарларига ушбу ишларни ташкил қилишда ёшлар етакчилари ва умумтаълим мактаблари билан ҳамкорликда ишлаш, камчиликларни жойида бартараф этиш ва тарғибот ишларини кучайтириш бўйича кўрсатмалар берилди.