Ўзбекистон спорт фахрийлари кенгаши раиси Баҳодир Махситов 75 ёшда!

Баҳодир Махситович Махситов 1948 йил 30 июль куни Тошкент вилоятида туғилган. 1976 йил Тошкент Давлат университетини тамомлаган. Баҳодир Махситович фаолияти давомида дастлаб суд-ҳуқуқ тизимида, шу жумладан, Ўзбекистон Республикаси Адлия вазирининг ўринбосари ва бошқа бир неча лавозимларда самарали меҳнат қилган.  

1994-1995 йилларда Тошкент вилояти Бўка тумани ҳокими, 1995-2002 йиллар Ўзбекистон Республикаси Жисмоний тарбия ва спорт давлат қўмитаси раиси бўлган. 2002-2003 йилларда Ўзбекистон Республикаси Президенти девонида ишлади.

2020 йил декабрдан Ўзбекистон спорт фахрийлари кенгаши раиси лавозимида юртимиз спорти ривожи учун хизмат қилмоқда. У кишининг узоқ йиллик меҳнати давлатимиз томонидан “Меҳнат шуҳрати” ордени, “Қорақалпоғистон Республикасида хизмат кўрсатган маданият ходими” фахрий унвони билан мукофотланган.

Алимурод МАМАДАМИНОВ, ўз мухбиримиз