Ўзбекистон таэквондо WTF Ассоциациясида йиғилиш бўлиб ўтди

Ассоциация ходимлари учун ташкил этилган йиғилишда ушбу сана муносабати билан ўтказиладиган катта тадбирга тайёргарлик масалалари муҳокама қилинди. Йиғилишни Ассоциация раҳбари Шерзод Тошматов олиб борди.  

Тошматов ходимларни бир кун аввал Ўзбекистон Миллий олимпия қўмитаси президенти Рустам Шоабдураҳмонов ўтказган йиғилишда федерацияларга берилган топшириқлар билан таништирди. Унга кўра, "Олимпия куни"га бағишланган тадбирда 100 нафар таэквондочи ўз кўргазмали чиқиши билан иштирок этади. 

Шунингдек, маросимда Ўзбекистон таэквондо WTF ассоциациясининг махсус бурчаги ҳам ташкил этилади. Бу билан озми-кўпми таэквондо спорт турининг тарғиботига ҳам хисса қўшилади. Ташрифчиларга ушбу спорт тури ҳақидаги маълумотлар тақдим этилади.

Маълумот учун, "Олимпия куни"га бағишланган маросим 6 июль куни пойтахтимиздаги кўпфункцияли "Ҳумо Арена" саройида бўлиб ўтади.