30 май 17:17
Янгиликлар

Хоккей

Ўзбекистон хоккей бўйича жаҳон чемпионатида иштирок этади

Теглар : Хоккей

Халқаро хоккей федерацияси (IIHF) Ўзбекистон терма жамоасини IV дивизиондаги жаҳон чемпионати иштирокчилари қаторига киритди.

Ушбу ҳодиса Ўзбекистон хоккей Федерацияси йўлидаги навбатдаги босқичдир. Ўзбекистон хоккей федерацияси 2018 йил март ойида ташкил топган ва 2019 йил сентябр ойида IIHF аъзоси сифатида қабул қилинган. Шундан сўнг федерация мамлакат миллий терма жамоасининг жаҳон чемпионатларида иштирок этишни бошлаши учун кўплаб шартларни бажариши керак эди.

Аввалроқ, ЎХФ Президенти Бахтиёр Фазилов 2025 йилдан IIHF Жаҳон чемпионати дастурида Ўзбекистон миллий терма жамоасининг чиқишларини бошлаш режаларини эълон қилган эди.

Ўзбекистон 2025 йилги жаҳон чемпионатида иштирок этади, унда IV дивизиондаги рақиблари Эрон, Қувайт, Индонезия, Малайзия ва Арманистон миллий терма жамоалари бўлади. Биринчилик ўтказиладиган жой ва муддатлар кейинроқ аниқланади. Ушбу босқич ғолиби кейинги йил III B дивизионига кўтарилади.

Ҳавола :

Манба : t.me/uz_hockey

Рейтинг: