Ўзбекистонга икки нуфузли халқаро федерациянинг раҳбарлари ташриф буюради

Эртага Бутунжаҳон Хапкидо кундо федерацияси президенти Жанг Хи Чанг ҳамда Халқаро W.A.S.C.O, яъни Бутунжаҳон якка курашлар ва жанг санъати федерацияси президенти, профессор Жианни Саритцу Тошкентга келади. 

Ушбу ташрифдан кўзланган мақсад Ўзбекистоннинг номлари тилга олинган халқаро федерациялари билан ҳамкорлигини янги босқичга олиб чиқиш, юртимизда ушбу яккакураш турлари бўйича Осиё ва жаҳон чемпионатларини ўтказишдан иборат. 

Ўзбекистон таэквондо Миллий Ассоциацияси раиси Лазиз Ҳасанов ҳамда Бутунжаҳон Хапкидо Кумдо федерациясининг Марказий Осиё минтақаси президенти Абдулҳаким Шаубаевнинг хабар беришича, Жанг Хи Чанг ва Жианни Саритцунинг ташрифи Ўзбекистон таэквондо ITF ассоциацияси ҳамда Ўзбекистон Хапкидо федерациялари тарихида янги саҳифанинг очилишига хизмат қилади.