Ўзбекистонлик 13 ёшли гроссмейстер Бобби Фишер мусобақасида 2-ўринни эгаллади

Мусобақада 34 мамлакатдан 248 нафар спортчи иштирок этди. Тўққиз тур натижаларига кўра ҳамюртимиз Нодирбек Абдусатторов мусобақани мағлубиятсиз якунлаб, 248 нафар иштирокчи орасида 17-ўринни эгаллади. 

Шунингдек, у 14 ёшгача бўлган ўғил болалар ўртасида 2-ўринни қўлга киритди. Мусобақада 1-ўринни 9 имкониятдан 7,5 очко жамғарган ҳиндистонлик халқаро гроссмейстер В.Адхибан, 2-3 ўринларни халқаро гроссмейстерлар франциялик М.Лагарда ҳамда туркиялик Мустафо Йилмазлар эгаллади. 

Ўзбекистонлик Нодирбек Абдусатторов таниқли спортчилар франциялик М.Лагарда, украиналик Павель Эльянов ҳамда америкалик Гата Камский билан дуранг натижага эришди ва жами 4 ғалаба ҳамда 5 дуранг қайд этиб, 6,5 очко жамғарди.

Шунингдек, куни кеча Harpa Blitz 2018 блиц йўналиши бўйича мусобақалар ниҳоясига етди. Турнирда 15 мамлакатнинг 59 нафар спортчиси иштирок этди. Тўққиз турдан иборат блиц мусобақасида Нодирбек Абдусатторов 9 имкониятдан 8 очко жамғариб, 2-ўринни қўлга киритди. 14 ёшгача ўсмирлар ўртасида эса 1-ўринни эгаллади.