06 янв 09:44
Янгиликлар

Шахмат

Ўзбекистонлик 16 ёшли шахматчи Самарқанддаги ЖЧда энг катта апсетни амалга оширди

Хабарингиз бор, 2023 йилнинг 25-30 декабрь кунлари Самарқандда (Ўзбекистон) шахматнинг рапид ва блиц йўналишларидаги Жаҳон чемпионати ўтказилди.

Аҳамиятлиси, мусобақанинг рапид йўналишида ўтказилган партияларда ўзбекистонлик шахматчи Гулдона Каримова ўзига хос натижа қайд этди.

Ҳамюртимиз рапид йўналишида ўтказилган илк тур баҳсида россиялик 40 ёшли халқаро гроссмейстер Екатерина Юбьенни устидан ғалаба қозонди. Юбьеннининг рапид рейтингидаги очколари сони 2252 тани ташкил этади. 16 ёшли Гулдона Каримова ҳисобида эса 1543 рейтинг очкоси мавжуд. Каримованинг бу ғалабаси рапид йўналишида ўтказилган турнирнинг "энг катта апсети" деб топилди.

Эслатиб ўтамиз, рапид йўналишида аёллар ўртасидаги баҳсларда россиялик Анастасия Бондарук ғалаба қозонган эди.