03 окт 13:20
Янгиликлар

Бокс/ММА

Ўзбекистонлик Илҳом Назимов Япониянинг Rizin лигаси билан шартнома имзолади, унинг илк рақиби ва жанг санаси маълум

Енгил вазн тоифасида ўзбекистонлик аралаш яккакураш устаси Илҳом Назимов (9-3-0) Япониянинг Rizin промоушени билан шартнома имзолади.

Ҳамюртимизнинг янги лигадаги илк жанги 4 ноябрь куни Озарбайжоннинг Боку шаҳрида ташкил этиладиган Rizin Landmark 7 турнири доирасида бўлиб ўтади. Ҳамюртимизга ўша куни камерунлик Хуарес Деа (4-3-1) рақиблик қилади.

Rizin Landmark 7 мусобақаси доирасида озарбайжонлик таниқли жангчилар Тофиқ Мусаев, Наримон Аббосовлар ҳам октагонга кўтарилади.

Маълумот ўрнида, Rizin лигасида ўзбекистонлик яна бир жангчи Рамазон Темиров ҳам жанг қилиб келади. У бугунгача ушбу лигада икки бор жанг қилган ва ҳар иккисида муддатидан олдин ғалаба қозонган.