Ўзбекистонлик ММА жангчиси Фирдавс Ҳасанов UFC'га ўтяптими? Бу ҳақда жангчимизнинг ўзидан батафсил жавоб олдик

Аввалроқ, Фирдавс 2024 йил 4 февраль куни Лас-Вегасда ўтадиган UFC турнири доирасида рақиби жароҳат олган қозоғистонлик Азат Максум билан захира жангчиси сифатида жанг қилиш истагини билридиб, Дана Уайт ва бошқаларга мурожаат қилган эди.

Ҳасанов Olamsport.com мухбири билан суҳбатда музокаралар жараёни кетаётганини маълум қилди:

"Ҳозирда менежерлеримиз бу иш бўйича ҳаракат қилишяпти. UFC агар Максумга ўз лигасидан рақиб топа олмаса, Ин Ша Аллоҳ мен бу жангга чиқаман. Агарда, бу жанг ташкиллаштирилмаган тақдирда, 2024 йилда албатта UFC'да жанг қиламан",- деди ҳамюртимиз.

Маълумот учун, Фирдавс Ҳасанов ўрта вазн тоифасидаги UFC жангчимиз Нурсултон Рўзибоевнинг жамоадоши ҳисобланади. У Али Абдель-Азиз раҳбарлик қилувчи Dominance MMA менежерлик компанияси аъзоси ҳисобланади.