Ўзбекистонлик таэквондочи Саудия Арабистони клуби сафига ўтди + ФОТО

Клуб ўз Инстаграм саҳифаси орқали ўзбекистонлик таэквондочи Феруза Содиқова билан шартнома имзоланганини маълум қилди.

Жаҳон чемпионатининг икки карра совриндори Феруза Содиқова эндиликда мусобақаларда Ўзбекистон терма жамоасидан ташқари "Qadsiah" спорт клуби шарафини ҳам ҳимоя қилади.

Феруза Осиё чемпиони, Осиё ўйинлари совриндори, Ислом бирдамлик ўйинлари ғолиби ва Бутунжаҳон армия ўйинлари бронза медали соҳибаси ҳисобланади.