Ўзбекистонлик триатлончи жаҳон триатлон сериясининг Гранд Финалида иштирок этди

Гранд Финал пойгаларида 4000 дан ортиқ профессионал ва ҳаваскорлар иштирок этдилар. Бу мусобақаларда жаҳон чемпионларининг номлари маълум бўлади.

"23 ёшгача" ва "ўсмирлар" тоифасидаги спортчилар – жаҳон спорт элитасининг ёш авлоди ўртасидаги мусобақалар 30-август, жума куни бўлиб ўтди.

Ҳамюртимиз Александр Решетников спринт пойгасида ўсмирлар ўртасидаги мусобақаларда қатнашди. Жаҳон миқёсидаги триатлетлар билан баҳсда у МДҲ мамлакатлари орасида Россия ва Украина спортчиларидан кейин 4-ўринни, Осиё триатлончилари ўртасида 5-ўринни (Япония ва Гонконг спортчиларидан кейин), дунёнинг барча ўсмирлари орасида 54-ўринни эгаллади. 

Триатлон бўйича жаҳон серияси – бу ҳарйиллик бир неча босқичда бўлиб ўтадиган мусобақадир. Elite тоифасидаги ғолиблар жаҳон чемпионларига айланадилар ва мусобақанинг мукофот жамғармаси деярли 2 миллион долларни ташкил қилади.

Жаҳон сериясининг босқичларида мусобақалар икки турдаги масофада ўтказилади: Олимпия масофаси (1500 метрга сузиш, 40 км велосипед пойгаси, 10 км югуриш) ва спринт (750 метр сузиш, 20 км велосипедда, 5 км югуриш).

Триатлон бўйича Жаҳон сериясининг Гранд Финали – бу энг нуфузли босқич бўлиб, унда ғалаба учун спортчилар энг кўп очкога эга бўлишади. Айнан шу ерда триатлон бўйича жаҳон чемпионларининг номлари аниқ бўлади.

Лозанна – Швейцариянинг жануби-ғарбий қисмида жойлашган шаҳар, Вауд кантони пойтахти ва Лозанна округининг маъмурий маркази. Лозанна дунёнинг "Олимпия пойтахти" номига эга. Бу ерда Халқаро олимпия қўмитаси ва кўплаб халқаро спорт федерацияларининг штаб-квартиралари жойлашган.