Пакьяо — Барриос жанги зарбалар статистикаси ҳамда ҳакамлар ҳужжатидан кўчирма эълон қилинди (ФОТО)

Ўн икки раунд тўлиқ давом этган чемпионлик жанги якунида ҳакамлар дуранг натижа қайд этишди. Аренага йиғилган минглаб мухлислар бу натижадан норози эканликларини очиқчасига баён этишди. 

Охирги икки-уч чемпионлик раундларини инобатга олмаганда тўрт йиллик танаффусдан сўнг рингга қайтган 46 ёшли филиппинлик афсона жангда сезиларли устунликка эришганди. Иккинчи ҳакам Макс Де Лука 115:113 ҳисобидаги ғалабани Барриосга тақдим этди. Қолган икки ҳакам жангда тенглик бўлганини маълум қилди - 114:114. 

Бу Пакмен учун фаолиятидаги учинчи дуранг натижали жанг бўлди. Дуранг бўлгани учун амалдаги чемпион Марио Барриос WBC камарини ўзида сақлаб қолди. Компьютер тақдим этган статистикага кўра, Марионинг 658 та зарбасидан 120 таси манзилга аниқ етиб борган. Пакьяонинг эса 577 та зарбасида 101 таси аниқ бўлган.