24 июл 15:55
Янгиликлар
Стол тенниси
Пара стол тенниси: ҳамюртларимиз Ислом бирдамлик ўйинларига пухта тайёрланишмоқда
Кўплаб пара спорт турлари қатори пара стол тенниси бўйича ҳам терма жамоаси аъзолари ўқув-машғулот йиғинларига киришди.
20 июль санасидан бошланган ушбу ўқув-машғулот йиғини Ўзбекистон Стол тенниси федерацияси спорт залида бўлиб ўтмоқда.
5 августга қадар давом этадиган йиғинда Расул Атамуратов, Абдураҳмон Зоҳиджонов, Умиджон Аҳмедов, Артём Саприкин ва Абдураҳмон Раҳматуллаев, жами 5 нафар спортчи иштирок этмоқда. Уларга эса тренерлар – Нодира Бурҳанходжаева, Шодиёр Атаев ҳамда Аброр Фатҳуллаев бошчилиги қилмоқда.
«Асосий эътибор август ойида бўлиб ўтадиган Конядаги Ислом бирдамлик ўйинларида муваффақиятли иштирок этишга қаратилган. Бу йўлда спортчилар билан тинимсиз ишлаяпмиз. Машғулотлар кунига 2 маҳалдан олиб борилмоқда ва асосан спортчиларнинг техник-тактик ҳамда жисмоний тайёргарлигини оширишга қаратилган», — деди тренер Нодира Бурҳанходжаева.
Ҳавола :
Манба : olamsport.com
Фикрлар