Пара сузувчиларимиз Жаҳон чемпионатида навбатдаги медалларга эга чиқишди

Эркаклар ўртасидаги 100 метрга эркин усулда сузиш баҳсларида юртимиз шарафини ҳимоя қилган Ислам Арсланов кумуш медални қўлга киритди. Яна бир ҳамюртимиз Музаффар Турсунхўжаев эса финишга тўртинчи бўлиб етиб келди.

Шунингдек, аёллар ўртасидаги 100 метрга эркин усулда сузиш беллашувларида пара сузувчимиз Шохсанам Тошпўлатова турнирнинг бронза медалига эга чиқди. Нигора Мирзохидова эса еттинчи ўрин билан кифояланди.

Ушбу медаллар спортчиларимизга келгуси йил Токиода бўлиб ўтадиган Паралимпия ўйинлари учун муҳим рейтинг очколарини тақдим этади.

Маълумот ўрнида, дунёнинг 60 дан ортиқ мамлакатидан 600 га яқин спортчи иштирок этаётган ушбу мусобақада юртимиз шарафини жами 7 нафар пара сузувчиларимиз ҳимоя қилмоқда.

Эркаклар ўртасидаги 100 метрга эркин усулда сузиш (S13)

Ихар Боки (Беларус) – 50.74

Ислам Арсланов (Ўзбекистон) – 52.07

Кирило Гарашченко (Украина) – 52.40

 Аёллар ўртасидаги 100 метрга эркин усулда сузиш (S13)

Жилли Карлотта (Италия) – 58.79

Анна Стеценко (Украина) – 59.65

Шохсанам Тошпўлатова (Ўзбекистон) – 59.80