22 авг 08:47
Янгиликлар

Таэквондо

Пара таэквондочиларимиз Жанубий Кореядаги мусобақани 5 та медаль билан бошлашди

Шу кунларда терма жамоамиз аъзолари Жанубий Кореянинг Чунчеон шаҳрида ташкил этилган жаҳон пара таэквондо очиқ чемпионатида иштирок этмоқда.

Мусобақанинг дастлабки кунги беллашувларида эркаклар ўртасида 58 кг вазн тоифасида Санжар Мухторов, 63 кг вазнда Зухриддин Тоҳиров ва Қудрат Ҳайдаров, 70 кг.да эса Жавоҳир Алиқулов бронза медалларига сазор бўлишди. Аёллар ўртасидаги баҳсларда эса 47 кг вазнда Зиёда Исоқова кумуш медални делегациямиз ҳисобига қўшиб қўйди.

Бугунги дастурда эркаклар ўртасида Қудрат Муҳаммадиев, Асад Тоштемиров ва Асад Анваров, аёллар ўртасида Гулжаной Наимова юртимиз шарафини ҳимоя қилади.