Паралимпия ўйинлари: Шерзод Намозов финалда, Амриева эса бронза учун курашади

Бугундан мусобақада парадзюдо баҳслари бошланди. 

Баҳсларда -60 кг вазн тоифасида юртимиз шарафини ҳимоя қилаётган Шерзод Намозов барча рақибларини мағлубиятга учратган ҳолда финалгача етиб келди. Энди у кечки дастурда олтин медаль учун грузиялик Зураб Зурабианига қарши курашади. Финал тахминан соат 21:30 дан сўнг бошланади. 

Шунингдек -57 кг вазн тоифасида аёллар ўртасидаги беллашувларда қатнашган Улжон Амриева бронза медали учун курашади. Бу йўлда ҳамюртимизга украиналик Анжела Хаврисюк рақиб бўлади. Бронза учун баҳс 20:00дан сўнг бошланади.