Паралимпиячиларимиз Британиядаги турнирдан 9 та медаль билан қайтишди

Мазкур мусобақада 45та давлатдан 575та спортчи иштирок этиб, улар орасида 6 нафар Ўзбекистон паралимпия спортчилари ҳам совринли ўринлар учун куч синашдилар.  

Ҳамюртларимиз ушбу нуфузли халқаро мусобақада 3та олтин, 3та кумуш ва 3та бронза, жами 9та медалга эга чиқишди. Жумладан Дмитрий Хорлин 200 метрга комплекс сузишда (02:16.14), 400 метрга эркин сузишда (04:11.41) ва 100 метрга баттерфляй усулида сузишда (00:59.21) 3та олтин медалга сазовор бўлди. Музаффар Турсунхўжаев 50  ва 100 метр масофаларга эркин сузишда (00:24.40) ва (00:53.70) натижалари билан 2та кумуш медали соҳиби бўлди. 

Аёллар ўртасида кечган бахсларда эса хамюртимиз Шоҳсанам Тошпўлатова 50 метрга эркин усулда (00:28.08) натижаси билан бронза медалини, 200 метрга комлекс сузишда (02:26.62) хамда 100 метрга баттерфляй усулида (01:05.51) натижалари билан 2 та кумуш медалини қўлга киритди. Яна бир қизимиз Фотимахон Амилова 100 метр брасс усулида (01:15.12) натижаси билан бронза медали соҳибаси бўлди.