16 авг 18:10
Янгиликлар

Бокс/ММА, Дзюдо, Париж-2024

Париж-2024 Олимпиадасида қаҳрамон бўлган Сурхон ўғлонлари тантанали кутиб олинди

Термиз шаҳридаги Яккакураш турлари мактабида Париж-2024 ёзги Олимпия ўйинлари чемпиони Баҳодир Жалолов ҳамда бронза медали совриндори Музаффарбек Тўрабоевни тантанали тақдирлаш маросими бўлиб ўтди.

Давлат ва жамоат ташкилотлари мутасаддилари, ёшлар, спортчилар, воҳалик спорт мухлислари иштирок этган тадбирда Сурхондарё вилояти ҳокими Улуғбек Қосимов чемпионликни қўлга киритган боксчимиз Баҳодир Жалолов ҳамда бронза медали соҳиби, дзюдочимиз Музаффарбек Тўрабоевга зарбоп тўн кийдириб, воҳа аҳли номидан спортчиларимизни эришган ғалабалари билан табриклади.

Спортчиларимиз, уларнинг ота-оналари сўзга чиқиб, Президентимизнинг спортга қаратаётган эътибори, Ватанимиз шуҳратини нуфузли мусобақаларда кенг тараннум этишга яратилаётган шароитлар учун ўз миннатдорликларини билдирди.