Париж Олимпиадасида рекорд ўрнатган боксчиларимизнинг шахсий мураббийлари кимлар?

Боксчиларимиз мусобақа якунига кўра, 5 та олтин медаль қўлга киритиб, умумжамоа ҳисобида биринчи ўринни эгаллашди ва боксчимиз тарихида янги саҳифа очишди. 

Бунда албатта бош мураббий Тўлқин Қиличев бошчилигидаги мураббийлар штабининг хизмати беқиёс. Мураббийлар штабида катта мураббийлар Раҳматжон Рўзиохунов, Хуан Энрике, шунингдек мураббийларимиз Зиятдинбек Тойгонбаев, Даврон Гафуров, Фарруҳ Қиличев, Ергали Ярашов, Алишер Тўйчиев, Пўлатжон Шаҳбазов, шифокор Комолжон Расулов каби мутахассисларимиз ҳам фаолият олиб боришди.

Бу сафар Ўзбекистон бокс федерацияси боксчиларимизнинг шахсий мураббийларини ҳам Олимпия ўйинларидаги иштирокини таъминлаб бергани алоҳида эътиборга лойиқ. Кўпчилик мухлисларимиз Олимпиада чемпиони бўлган боксчиларимизнинг шахсий мураббийлари ҳақида ҳам қизиқиш билдиришган. 

Унга кўра, Олимпиада чемпионларининг шахсий мураббийлари рўйхати шундай:

Ҳасанбой Дўсматов - Зиятдинбек Тойгонбаев

Абдумалик Халоков - Даврон Гафуров

Асадхўжа Мўйдинхўжаев - Фаррух Қиличев (Ҳусанбой Қўчқоров)

Лазизбек Мулложонов - Алишер Тўйчиев (Шерзод Ҳусанов)

Баҳодир Жалолов - Тўлқин Қиличев.