Пауло Коста Эдди Хирн билан шартнома имзолади ва UFC`дан озод этишини талаб қилди

"У бизга аллақачон шартнома юборган. Мен жуда хурсандман. Ўйлайманки, биз биргаликда катта ишларни амалга оширамиз", - деди Коста Ариэль Хельванига берган интервьюсида.

Муваффақиятсизликка учраган биринчи катта иш UFC билан шартномадан қутулишга уриниш бўлди, у бўйича Костага фақат битта жанг қолди.

"Улардан мени шартномадан озод қилишларини сўрадим, лекин улар камида битта жанг ўтказишим кераклигини айтишди. Аслида, мени ишдан бўшатишларини бир неча бор сўраганман. Охирги марта кеча бўлганди", - деб тушунтирди "Borrachina".

Бразилиялик жангчининг сўзларига кўра, ташкилотнинг сўнгги таклифи Солт-Лейк-Ситидаги UFC 332 турнирида беш раундлик жанг бўлган ва у бундан воз кечган.

"Улар рақиб номини айтишмади, лекин беш раундлик жангни таклиф қилишди. Вақтинчалик унвонсиз, мен учун ҳеч қандай маънога эга бўлмаган жанг. Агар улар менинг камарсиз жанг қилишимни исташса, кўпроқ тўлашлари керак", - дея сўзларига якун ясади Коста.