16 фев 19:33
Янгиликлар

Олимпия ўйинлари, Хоккей

Пекин-2022. Аёллар хоккейида бронза медаль соҳиби маълум + ФОТО

Пекин-2022 Қишки олимпия ўйинларининг аёллар ўртасидаги хоккей мусобақасида бронза медали учун учрашув бўлиб ўтди.

"Укэсун Спортс-центр" стадионида кечган баҳсда Финляндия ва Швейцария терма жамоалари музга чиқишди. Бир томоннинг устунлигида ўтган учрашувда Финляндия терма жамоаси 4:0 (1:0, 0:0, 3:0) ҳисобида зафар қучди ва Олимпиаданинг бронза медалини қўлга киритди.

Суоми таркибида киритилган шайбаларга Вииви Вайникка, Сусанна Тапани, Нелли Лайтинен ва Мишель Карвинен муаллифлик қилишди. Эртага финал учрашувида АҚШ ва Канада терма жамоалари музга чиқишади.

Эслатиб ўтамиз, 2018 йилги Пхёнчхан (Жанубий Корея) Олимпиадасининг финалида ҳам айнан шу икки терма жамоа ўзаро тўқнаш келишганди. Ўшанда америкаликлар буллитлар сериясида ғалаба (3:2) қозониб, Олимпиада чемпиони бўлишган эди.