Пекин-2022. Кентен Фийон-Майе икки карра Олимпиада чемпиони!

Биатлон бўйича эркаклар ўртасида 12,5 км масофага ўтказилган тақиб этиш пойгаси якунланди. Унда франциялик Кентен Фийон-Майе ғалаба қозонди. У барча ўқ отиш майдонида бехато ҳаракат қилди ва якунда Олимпиада чемпионига айланди. Иккинчи ўринни норвегиялик тажрибали Тарьей Бё эгаллади. Кучли учликка эса россиялик Эдуард Латипов якун ясаб берди. 

Франциялик Кентен Фийон-Майе учун бу медаль Пекин Олимпиадасидаги тўртинчиси бўлди. Бугун эса Фийон-Майе иккинчи олтин медалига эга чиқди. У индивидуал пойгада ҳам чемпионликни тантана қилган эди. Шунингдек, Фийо-Майе спринт ва аралаш эстафетада кумуш медаль соҳиби бўлган эди. 

Тарьей Бё учун бугунги медаль Пекин Олимпиадасидаги учинчи, Олимпия ўйинларидаги бешинчиси ҳисобланади. Бё Пекин Олимпиадасида аралаш эстафетада олтин, спринт баҳсларида эса кумуш медаль эгасига айланди. У шунингдек, Ванкувер-2010 Олимпиадасида чемпионликни тантана қилган бўлса, Пхёнчханг-2018 да шоҳсупанинг иккинчи ўрнини банд этган. 

Эдуард Латипов ушбу Олимпиадада иккинчи бронза медалини қўлга киритди. Бир неча кун аввал у аралаш эстафетада жамоаси билан учинчи ўринни эгаллаганди.

Биатлон. Тақиб этиш пойгаси 12,5 км. Эркаклар. 

1. Кентен Фийон-Майе (Франция) – 39.07,5 (0)

2. Тарьей Бё (Норвегия) – 28,6 (1)

3. Эдуард Латыпов (Россия) – 35,3 (1)