Перейра: "Бу даҳшатли жанг бўлади"

"Бу спорт турида мени илиқ қабул қилишларига ишонаман. Кўпчилик менга шубха қилди ва: "У муваффақиятларга эриша олмайди, ҳимоялана олмайди, жанг қилишни билмайди", деган гапларни айтишди. Уларнинг ноҳақлигини кўрсатдим ва ҳурматига сазовор бўлдим. Бугун кўриб турибманки, улар фикрларини ўзгартириб, менга мухлис бўлишди. Кўряпманки, менга негатив бўлганлар фикрларини ўзгартиришган, бунга менинг ҳаракатларим сабаб бўлган. Менга далда бераётган барчага катта раҳмат айтаман. Бундан лол қоляпман.

Бу яхши жанг бўлади, даҳшатли ўтади, чунки бизларнинг услубларимиз хар хил. Бу жангни томоша қиладиган инсон ҳеч нимадан афсусланмайди деб ўйлайман", - деди Перейра.

Перейра ўрта вазнда, Прохазка эса яримоғир вазнда собиқ чемпион ҳисобланади. Уларнинг ўртасидаги жанг 11 ноябрь куни Нью-Йоркда ташкиллаштирилади.