23 фев 20:20
Янгиликлар

Хоккей

Петров кубоги. "Ҳумо" плей-оффдаги иккинчи ўйинини ўтказди

Тошкентнинг "Ҳумо" хоккей жамоаси Петров Кубоги 1/8 финали доирасида Нефтекамскнинг "Торос" жамоасига қарши ўйинлар ўтказмоқда.

Сериядаги иккинчи ўйин ҳам бугун Нефтекамскда ташкил этилди.

Афсуски, учрашув давомида икки маротаба олдинга чиқиб олганига қарамай, "Ҳумо" бугун имкониятни бой берди. Асосий вақтда 2:2 ҳисобида дуранг қайд этилди. Овертаймнинг учинчи дақиқасида киритилган гол "Торос"нинг ғалабасини таъминлади.

Шу тариқа, "Торос" ушбу қарама-қаршиликда 2:0 ҳисобида олдинга чиқиб олди.

Энди ушбу жуфтликдаги 3 ва 4-ўйинлар 26 ва 27 февраль кунлари Тошкентдаги "Ҳумо Арена"да ўтказилади.