Петров кубоги. «Ҳумо» йирик ҳисобда ғалаба қозонди

Хабарингиз бор, Олий хоккей лигаси (ВХЛ) чемпионат ўйинлари якунланганидан сўнг камида тўртта учрашувдан иборат плей-офф босқич баҳсларига старт берилганди. Тошкентнинг "Ҳумо" жамоаси чемпионатида 7-ўринни эгаллаган ҳолда бош соврин учун курашиш имкониятини қўлга киритган эди. 

Евгений Попихин шогирдлари 1/8 финалнинг дастлабки икки ўйинини Нефтекамскда "Торос" клубига қарши ўтказиб, мағлубият аламини тотиб кўришганди. Ҳозиргина Тошкентдаги биринчи ўйин ниҳоясига етди ва унда "Ҳумо" хоккейчилари 4:1 ҳисобида зафар қучиб, сериядаги фарқни биттага қисқартиришди. "Ҳумо Арена"даги иккинчи ўйин эртага ўтказилади. 

ВХЛ. Тошкент. «Ҳумо» спорт саройи.

“Ҳумо“ (Тошкент) — “Торос“ (Нефтекамск) 4:1 

Голлар: 20:20 - Воронин Артём, 31:22 - Еркин Денис, 32:39 - Здунов Павел, 53:42 - Григоренко Евгений, 56:44 - Амиров Родион