11 фев 14:33
Янгиликлар

Теннис

Плишкова Клуж-Напока бош соврини учун кортга чиқади

Руминиянинг Клуж-Напока шаҳрида ўтказилаётган теннис бўйича WTA турнири ўзининг ҳал қилувчи босқичига етиб келди.

Мусобақада финалчилар аниқланди. Дунёнинг 78-ракеткаси, чехиялик Каролина Плишкова 1/2 финалда WTA рейтингида 103-поғонада бораётган британиялик Хэрриет Дартни икки сетда ҳам бир хил ҳисобда мағлубиятга учратди - 6/3, 6/3.

Теннисчиларнинг ўзаро учрашувларидаги ҳисоб 3:0 кўринишига келди. Саксон тўрт дақиқа давом этган баҳсда иккала теннисчи ҳам 2 тадан эйсни амалга ошириб, 6 тадан қўшхатога йўл қўйди. Плишкова 5, Дарт 2 та брейкка эришган. Бугун Каролина бош соврин учун руминиялик Ана Богданга қарши кортга чиқади.