Пневматик қуроллардан ўқ отиш бўйича Ўзбекистон чемпионати старт олди

Мазкур мусобақада Республикамизнинг турли вилоятларидан 140 нафар мерган спортчилар ғолиблик учун баҳс олиб боришмоқда. Мусобақа расман кечадан бошланган бўлса ҳам тантанали очилиш маросими бугун бўлиб ўтди. 

Таъкидлаш жоиз, ушбу чемпионат орқали мураббийлар штаби олдинда турган йирик халқаро мусобақалар, жумладан, ноябрда Қатарда ўтадиган Токио Олимпиадасига йўлланма берувчи Осиё чемпионати учун терма жамоа таркибини шакллантириб олишади. Ўзбекистон чемпионати 27 сентябрга қадар давом этади.