27 июн 07:28
Янгиликлар
Полвонларимиз жаҳон чемпионатида 13 та медаль қўлга киритишди + ФОТО
Эътиборлиси, спорт делегацияси раҳбари Ўзбекистон белбоғли кураш федерацияси раиси Равшан Дастиров, мураббий Шавкат Мирзақулов бошчилигидаги терма жамоамиз мазкур жаҳон чемпионатида иштирок этиб, 2 та олтин, 6 та кумуш ва 5 та бронза медалини қўлга киритди.
Бундан ташқари от устида кураш бўйича ҳам жаҳон чемпионати ўтказилди ва ушбу беллашувларда ҳамюртимиз Холбек Султонов 100 кг вазн тоифасида бронза медалига эга бўлди. Айнан спортчиларимиз қўлга киритган медаллар сабаб мадҳиямиз янграб, байроғимиз сарбаланд кўтарилди.
Жаҳон чемпионатининг тантанали тақдирлаш маросимида Ўзбекистон спорт курашлари ассоциацияси раиси, Ўзбекистон Миллий Олимпия қўмитаси раиси ўринбосари Салим Абдувалиев, Осиё белбоғли кураш конфедрацияси президенти Мўмин Муратов, Ўзбекистон белбоғли кураш федерацияси раиси Равшан Дастиров, жаҳон Кокпар ассоциацияси президенти Эркин Афзалов , эркин кураш бўйича Олимпия ўйинлари ғолиби, спортимиз фахри Артур Таймазовлар иштирок этди.
Ғолиб ва совриндорлар:
Ёшлар ўртасида кореш
Кумуш медаллар
65 кг. Муҳаммаджон Абдукаримов
110 кг. Бахтиёр Сангинов
Катталар ўртасида кореш
Кумуш медаллар
65 кг. Диёрбек Сайдуллаев
75 кг. Нусрат Юлдошев
100 кг. Зайлобиддин Ортиқов
Бронза медаллар
85 кг. Илёс Аҳмадов
90 кг. Ҳусан Абдуҳакимов
Катталар ўртасида соҳил кореш
Олтин медаль
80 кг. Холмирза Ҳасанбоев
85 кг. Оғабек Аматбоев
Кумуш медаль
90 кг. Улуғбек Эшиев
Бронза медаллар
60 кг. Жўрабек Жалилов
70 кг. Абдураҳмон Эгамов
75 кг. Зоҳиджон Раимқулов
Ғолиб ва совриндорлар диплом, медаль ва пул мукофотлари билан тақдирланишди.
Илҳом РАҲМОНОВ тайёрлади
Фикрлар