Полвонларимиз тош кўтариш бўйича жаҳон чемпионатининг илк куни 5 та медаль қўлга киритишди

Маҳоратли спортчиларимиздан Ҳамидулла Саидназаров катталар ўртасидаги беллашувларда 63 килограмм вазнда барча рақибларини доғда қолдирган ҳолда олтин медалга эгалик қилди.

Полвонларимиздан Ойбек Эломанов 85 кило оғирликда кумуш, Аҳад Маматов 95 килограмм ҳамда Зуҳирдин Авазов 85 килограмм вазнда, Муҳридан Исломов эса 78 килода бронза медалларини қўлга киритди.

Жаҳон чемпионатининг ўсмирлар ўртасидаги мусобақаларда иштирок этган умидли спортчиларимиздан Радмир Асанов томошабинлар меҳрини қозонган ҳолда 53 килограммда бронза медалга эгалик қилиши ортидан ўзига хос ҳаракатлари билан кўпчиликка завқ бағишлади.

26 августга қадар давом этадиган жаҳон чемпионатида 20 та давлатнинг 700 га яқин полвонлари қатори юртимизнинг 45 нафар спортчиси турли йўналишдаги совринли ўринларга даъвогарлик қилмоқда.

Тўлқин Рўзиев тайёрлади