Пойтахтимиз яна бир нуфузли мусобақага мезбонлик қилади

10-12 ноябрь кунлари пойтахтимиздаги муҳташам “Ўзбекистон” спорт мажмуасида ўтказиладиган ушбу мусобақада 20 дан ортиқ давлатдан сара қўл жанги усталарининг иштирок этиши кутиляпти.

Осиё Очиқ чемпионати мезбони сифатида қўл жанги бўйича Ўзбекистон терма жамоаси икки таркиб билан қатнашиш ҳуқуқига эга. Ҳар бир давлатдан бир нафардан халқаро тоифадаги ҳакамлар баҳсларни бошқараб боришади.

Маълумот учун, 10 ноябрь куни “Ўзбекистон” меҳмонхонасида Осиё Очиқ чемпионатига бағишланган матбуот анжумани ўтказилади. Мусобақа доирасида қўл жанги бўйича профессионал жанглар ҳам ташкил этилади.