28 янв 16:22
Янгиликлар

Дзюдо

Пойтахтимизда дзюдо бўйича халқаро турнир ўтказилади

1-2 февраль кунлари пойтахтимиздаги МҲСК спорт мажмуасида дзюдо бўйича Николай Суннатович Қўлдошев хотирасига бағишланган халқаро турнир бўлиб ўтади.

Ўз тарихида юбилей - 10-маротаба ташкил этилаётган ушбу мусобақада юртимиз дзюдочиларидан ташқари қўшни Қозоғистон, Қирғизистон, Тожикистон давлати спортчиларининг ҳам татамига чиқиши кутилмоқда.

Халқаро турнир 1999-2000 йилларда таваллуд топган ёшлар ўртасида ўтказилади ҳамда жами 16та вазн тоифасида ғолиб ва совриндорлар номи маълум бўлади.

Вазн тоифалари:

Ўғил болалар: -55, -60, -66, -73, -81, -90, -100, +100 кг

Қизлар: -44, -48, -52, -57, -63, -70, -78,+78 кг

Режа бўйича 1 февраль куни иштирокчиларни тарозидан ўтказиш ҳамда мусобақага қуръа ташлаш маросими, 2 февралда эса кўрсатилган вазн тоифалари бўйича баҳслар бўлиб ўтади. Беллашувлар соат 10:00да бошланади. Соат 17:00дан эса финал баҳсларига старт берилади.