15 авг 10:02
Янгиликлар

Теннис

Prague Open. Симона Халеп 1/2 финалда!

Чехия пойтахти Прага шаҳрида теннис бўйича Prague Open турнири давом этмоқда.

Сайёрамизнинг иккинчи рақамли теннис маликаси Симона Халеп ортиқча қийинчиликсиз мусобақанинг ярим финалига йўл олди. Руминиялик теннисчи чорак финалда рейтингнинг 174-поғонасидан жой олган польшалик Магдалена Фрешга ҳеч қандай имконият қолдирмади - 6/2, 6/0.

Учрашув 1 дақиқаси кам 1 соат давом этган. Симона 2 та эйс зарбасини амалга оширди. Бу теннисчиларнинг ўзаро илк учрашуви эди. Халепнинг ярим финалдаги рақибаси якунига етмай қолган руминиялик Ирина Бегу ҳамда испаниялик Сара Соррибес-Тормо баҳсидан сўнг маълум бўлади.