Prague Open. Симона Халеп бир амаллади

Сайёрамизнинг иккинчи ракеткаси Симона Халеп мусобақанинг иккинчи даврасида қийинчилик билан ғалабага эришди. Руминиялик теннис маликаси рейтингнинг 118-поғонасидан жой олган чехиялик Барбора Крейчиковани уч сет натижасига кўра мағлубиятга учратди - 3/6, 7/5, 6/2. 

Учрашув 125 дақиқа давом этган. Ҳар икки теннисчи ҳам иккитадан эйс зарбасини амалга оширишди. 28 ёшли Халеп ўзаро учрашувларда иккинчи ғалабасига эришди. Барбора иккинчи баҳсда ҳам ютқазди. Энди Симона Prague Open 1/4 финалида польшалик Магдалена Фрешга қарши кортга чиқади.