23 июл 14:45
Янгиликлар

Теннис

President's Cup. Файзиев саралашнинг илк босқичидаёқ ютқазди

Қозоғистоннинг Астана шаҳрида теннис бўйича "Челленжер" турнирининг саралаш баҳслари бошланди.

Мукофот жамғармаси 40 минг АҚШ долларини ташкил этувчи мусобақада уч нафар теннисчимиз ҳам ўз имкониятини синаб кўрмоқда. Афсуски, улардан бири илк даврадаёқ мағлубият аламини тотиб кўрди. Санжар Файзиев 2 соату 3 дақиқа давом этган баҳсда россиялик Александр Згировскийга 6/4, 1/6, 2/6 ҳисобида ютқазиб қўйди.

Таққослаш учун, Санжар Файзиев ATP рейтингида 1525, Александр Згировский 652-поғонадан жой олган. Россиялик теннисчи саралаш турнирининг учинчи ракеткаси ҳисобланади.