Президент Лукашенко беларуслик енгил атлетикачи Тимановская ҳақида гапирди

"Тимановская. Ўз йўналишида 36-ўрин. У ҳақида бошқа гапириш шарт эмас. Россияликлар Дина Аверина учун куюнишмоқда. Қизча мана шундай иштирок этди. У нимадир дейиши мумкин. У буюк спортчи. 

Сенчи? Унинг ўтмишини билган ҳолда ҳам терма жамоага киритгандик. Унинг натижасини билардик. Биласизми нимага уни қўшгандик? ХОҚ буни тавсия қилганди. Биз Олимпиадада кўринмаган мана шундай 7 нафар спортчини таркибга киритгандик. Уларни таркибга киритмаслик керак эди. 

Ўтган йили декабрь ойида Тимановскаяга президент стипендиясини бердик. Ол, шуғуллан. 3 минг рублдан тўладик, барча шароитларни яратдик. Агар уни кимдир бошқармаганда, буларнинг барчасини ўзи қила олмасди. 

Тимановская Токиода Польшадаги дўстлари билан боғланган. Унга: "Аэропортга борсанг, полициячиларга қараб бақир". Япониянинг махсус хизмати ходимларидан хеч ким йўқ эди", - деди Лукашенко. 

Эслатиб ўтамиз, Тимановская ўз делегацияси вакилларини танқид қилгани учун терма жамоадан четлаштирилган ва Беларусга қайтариб олиб кетилиши лозим эди. Аммо кейинчалик у Польшадан сиёсий бошпана сўраган.