Проф бокс янгиликлари: Бектемирнинг вазнидаги қозоқ боксчисида навбатдаги ғалаба, Фултондан эса ўзгачаси

Унинг марказий жангида мексикалик Сауль Альварес АҚШ вакили Эдгар Берлангани мағлуб этди. 

— Бундан ташқари, оқшом доирасида ўрта вазнли 41 ёшли боксчи Эрисланди Лара 36 ёшли собиқ жаҳон чемпиони Дэнни Гарсияга қарши рингга кўтарилди ва тўққизинчи раундда муддатидан олдин ғалаба қозониб, WBA чемпионлик камарини ўзида сақлаб қолди.

— Шунингдек, Муроджон Аҳмадалиевнинг вазнидаги собиқ чемпион Стивен Фултон Карлос Кастрога қарши жангда нокдаун ҳолатига тушганига қарамай, жангда очколар ҳисобига кўра ғолибликни қўлга киритди (96-93, 95-94, 94-95).

— Биринчи ярим ўрта вазн тоифасидаги собиқ жаҳон чемпиони Роландо Ромеро эса Мануэль Жеймсга қарши кечган жангда ҳакамларнинг якдил қарори ила ғолиб деб топилди.

— Ўрта вазн тоифасидаги боксчи Калеб Плант Тревер Маккамби билан жангда тўққизичи раундда ғалаба қозонди ва WBA Interim камарига эга чиқди.

— Бектемир Мелиқўзиев билан бир вазнда фаолият олиб бораётган Бек Нурмаганбет ҳам айнан мазкур оқшомда рингга кўтарилди. У америкалик Жошуа Конли билан баҳс олиб борди ва иккинчи раундда техник нокаут эвазига ғалаба қозонди. Бу 26 ёшли Бек учун фаолиятидаги 12-жангида 12-ғалаба бўлди.