Промоутер Жошуа қачон Фьюри билан жанг қилмоқчи эканлиги ҳақида гапирди

"Ҳозир мен Энтонининг Тайсон Фьюрига қарши жангини фақатгина келаси йилда идеал сценарий сифатида кўряпман. Бу асосий мақсад. Оқилона қараганда жанг 2026 йилда бўлиши керак, лекин “оқилона қарор” ва Фьюри қарорлари ҳамиша бир-бирига тўғри келмайди. У қайтишни хоҳлаши керак. Бу унинг шахсий қарори.

Биз кейинги рақибни жуда эҳтиёткорлик билан танлашимиз лозим. Ва менимча, тўғрисини айтиш керак: кейинги жанг камбэк бўлади, у бизга ёзда ҳал қилувчи жанг ўтказиш имконини беради. Биз Фьюри билан жангни истаймиз. Агар у бўлмаса ҳам, барибир йирик жанг қиламиз.

Бизга топ-15дан рақиб керак. Бу Фьюри, Усик, Дюбуа ёки бошқа энг кучлилардан бири бўлмайди. Бизга Энтонининг бир йилдан ортиқ танаффусдан кейин рақобатбардош жангга қайтиши учун керакли спортчи керак. Бу босқичда мағлубият унинг фаолиятига қаттиқ зарба бўлади. Шунинг учун ҳаммасини тўғри қилишимиз шарт.

Жошуа машғулотларга қайтди — бу яхши белги. Кўп сайтлар унинг январь ёки февраль бошида рингга қайтиши мумкинлигини ёзмоқда. Лекин у ҳеч қаерга шошмаяпти.

Фьюри ҳақида айтсам, уни жангга кўндирмоқчи бўлсангиз, иш анча мураккаблашади. Унга ўз хоҳиши билан иш қилишга йўл қўйиш керак. Тайсон тайёр бўлса ва ҳақиқатан ҳам шуни хоҳласа, сиз бу ҳақда билиб оласиз. Бизнингча, жанг бўлиши мумкин, лекин биз бундан олдин ҳам кўп марта шундай вазиятдан ўтганмиз. Фьюрининг кейинги қадамини олдиндан тахмин қилиш жуда қийин. Агар у қайтишга қарор қилса, мен бошқа сабабни кўрмаяпман — фақат Жошуага қарши жанг. Умид қиламанки, у 2026 йил бошида қайтиб жанг қилади, кейин биз ҳам ўз жангимизни ўтказиб, ниҳоят учрашамиз", — деди Хирн Sky Sports’га.