Промоутер Усик ва Жошуа ўртасидаги жангнинг эҳтимолий санасини айтди

Хирннинг сўзларига кўра, бокс жамоалари Жошуа ва WBC чемпиони Тайсон Фьюри ўртасидаги бирлаштирувчи жанг бекор қилинганидан кейин WBО томонидан тайинланган жанг бўйича келишувга эришган.

Aввалроқ Жошуа ва Усик бир эмас, иккита жанг ўтказиши мумкинлиги ҳақида хабар берилган эди. Бу ҳақда журналист Майкл Бенсон айтиб ўтди.

“Эдди Хирн Энтони Жошуа ва Aлександр Усик иштирокидаги жанг учун шартномада реванш варианти борлигини тасдиқлади (агар Усик ғалаба қозонса). Биринчи жанг Жошуанинг мажбурий ҳимояси бўлишига қарамай, иккала томон ҳам келишиб олдилар. Шартномада, агар Усик ютқазса, иккинчи жангга оид банд ҳам бор деб ёзди журналист ўзининг Twitter'ида.