25 янв 17:29
Янгиликлар

Бокс/ММА

Пётр Ян навбатдаги жанги ҳақида: "Бу аллақачон ҳал қилинган"

Ўта енгил вазнда амалдаги UFC чемпиони Пётр Ян ўзининг навбатдаги жангини кимга қарши ўтказиши маълум бўлди.

"Кейинги жангим олдиндан белгилаб қўйилган. UFC Мерабга тайёр бўлиши билан, тикланиши билан реваншни кафолатлайди - ё баҳор, ё ёз бўлади. Биз раҳбарият қарорини кутяпмиз", - дея россиялик жангчининг сўзларини келтиради Red Corner MMA.

Пётр Ян ва Мераб Двалишвилининг бўлажак жанги уларнинг қарама-қаршилигини трилогия даражасига олиб чиқади. 2023 йил март ойида грузиялик беш раунд якунларига кўра ғалаба қозонган бўлса, 2025 йил декабрь ойида ўтказилган чемпионлик жангида Ян Мераб Двалишвилини ҳакамларнинг якдил қарори эвазига таслим этиб, ишончли тарзда реванш олганди.

Двалишвили яқинда берган интервьюсида лига раҳбарияти унга Ян билан учинчи жангни кафолатлаганини тасдиқлаганди.