10 окт 13:23
Янгиликлар

Теннис

Қарши "Фьючерс". Санжар Файзиев дербида рақибини деярли "сезмади"

Хабар берганимиздек, Қарши шаҳрида теннис бўйича "Фьючерс" туркумига кирувчи турнир бўлиб ўтмоқда.

Соврин жамғармаси 15 000 АҚШ долларини ташкил қилувчи турнирда яккалик баҳсларининг иккинчи давра учрашувлари якунига етиб бормоқда. Ҳозиргина мусобақада биринчи рақам остида таснифланган Санжар Файзиев иккинчи босқичдаги учрашувини якунлади.

Ҳамюртимиз ўзига хос ўзбек дербисида яна бир ҳамюртимиз Григорий Коробейниковни синовдан ўтказди. Файзиев 70 дақиқа давом этган учрашувда Григорийдан 6:2, 6:4 ҳисобида устун келди. Санжарнинг 1/4 финалдаги рақиби бироздан сўнг маълум бўлади.