Қаршида қўл жанги бўйича кучлилар аниқланди ФОТО

Ушбу мусобақа Ўзбекистон Республикаси Ички ишлар вазирлиги, вилоят ҳокимлиги ҳамда вилоят жисмоний тарбия ва спорт бошқармаси ташаббуси билан ташкил этилди. 

Шиддатли жангларга бой бўлган мусобақада республикамизнинг барча ҳудудларидан келган ички ишлар органларидан, шунингдек, Жазони ижро этиш бош бошқармаси, Қоравул қўшинлари бош бошқармаси, Халқаро аеропортларда хавфсизликни таъминлаш бош бошқармаси жамоалари ҳамда мезбон Қашқадарё вилоятидан жами 170 нафар ички ишлар органлари қўл жанги спортчилари иштирок этди. 

Мусобақа якунида умумжамоа ҳисобида қуйидаги натижалар қайд этилди:

1-ўрин - Бухоро вилояти ИИБ терма жамоаси 

2-ўрин - Навоий вилояти ИИБ терма жамоаси

3-ўрин - Қашқадарё вилояти ИИБ терма жамоаси

Ғолиб ва совриндорлар қаторидан жой олган спортчилар Ўзбекистон Республикаси Ички ишлар вазирлиги томонидан диплом, медаль, кубок ва қимматбаҳо эсдалик совғалари билан тақдирланишди.

Жаҳон Эргашев, Қашқадарё вилояти Жисмоний тарбия ва спорт бошқармаси бошлиғи ўринбосари