13 янв 14:47
Янгиликлар

Дзюдо

Қатар "Мастерс". Ҳуррамов ва Бобонов чорак финалда

Доҳа шаҳрида Қатар "Мастерс" турнирининг сўнгги учинчи кунги баҳслари қизғин курашлар остида давом этмоқда.

Қувонарлиси, икки дзюдочимиз иккинчи давра беллашувида ғалабага эришиб, чорак финал йўлланмасини қўлга киритишди. -90 кг вазн тоифасидаги Бобонов анча тажрибали рақиб, венгриялик Кристиан Тоттни вазари баҳоси эвазига мағлубиятга учратди. Давлатнинг чорак финалдаги рақиби туркиялик Михаэль Зганк бўлади.

-100 кг вазндаги юртдошимиз Муҳаммадкарим Ҳуррамов эса нидерландиялик Майкл Коррелдан устун келди. Учинчи шидони олган европалик дзюдочи мағлубиятини тан олишга мажбур бўлди. Энди Ҳуррамов чорак финалда жаҳон чемпионатининг кумуш медали совриндори, грузиялик Варлам Липартелианига қарши татамига чиқади