24 фев 11:37
Янгиликлар
Теннис
Qatar Open. Карен Хачанов иккинчи финалчи!
Қатар пойтахти Доҳа шаҳри мезбонлик қилаётган теннис бўйича Qatar ExxonMobil Open турнирида иккинчи финалчининг номи ҳам маълум бўлди.
Дунёнинг 17-ракеткаси Карен Хачанов финалда бош соврин учун кортга чиқадиган бўлди. Россиялик теннисчи 107 дақиқа давом этган 1/2 финалда ATP рейтингида 46-поғонадан бораётган австралиялик Алексей Попиринни мағлубиятга учратди - 7/6(12), 6/2.
Карен теннисчиларнинг ўзаро учрашувларидаги устунлигини мустаҳкамлади - 3:1. Хачанов 6, Попирин 7 та эйс зарбасини амалга оширган. Россиялик фаолиятида саккизинчи бор ATP турнири финалида ўйнайди. Еттита финалдан 5 тасида у бош совринни қўлга киритган. Карен Qatar ExxonMobil Open финалида чехиялик 18 ёшли Якуб Меньшикка қарши кортга чиқади.
Ҳавола :
Манба : gotennis
Фикрлар