22 фев 13:50
Янгиликлар

Теннис

Qatar Open. Карен Хачанов муваффақиятли старт олди

Қатар пойтахти Доҳа шаҳрида теннис бўйича ATP турнири давом этмоқда.

Дунёнинг 17-ракеткаси Карен Хачанов баҳсларга иккинчи даврадан киришди. Россиялик теннисчи ATP рейтингида 60-поғонада бораётган венгриялик Фабиан Марожанни 6/4, 7/5 ҳисобида мағлубиятга учратди. Бу теннисчиларнинг ўзаро ўтказган илк учрашуви эди.

Саксон тўққиз дақиқалик баҳсда Хачанов 6, Марожан 2 та эйс зарбасини амалга оширган. Россиялик теннисчи ATP турнирларидаги ўзининг 250-ғалабасини қўлга киритди. Энди 27 ёшли Карен Qatar ExxonMobil Open турнирининг 1/4 финалида финляндиялик Эмил Руусувуорига қарши кортга чиқади.