19 фев 11:38
Янгиликлар

Теннис

Қатар Опен турнири ғолиби Дубайда илк босқичдаёқ ютқазди

Элизе Мертенс БААнинг Дубай шаҳрида ўтказилаётган турнирдаги иштирокини муддатидан анча олдин тўхтатди.

Бельгиялик теннисчи кутилмаганда Dubai Duty Free Tennis Championships турнирининг биринчи даврасида хитойлик Чжу Линга 7/5, 4/6, 5/7 ҳисобида имкониятни бой бериб қўйди. Бу учрашув икки дақиқаси кам 3 соат давом этди.

Дунёнинг 16-ракеткаси бўлиб турган Элизе ўтган ҳафта Қатар пойтахти Доҳа шаҳрида ўтказилган турнирда бош мукофот соҳибасига айланган эди. 25 ёшли Чжу Линь рейтингнинг 107-поғонасидан жой олган. Энди Чин юрти вакиласи иккинчи даврада украиналик Леся Цуренкога қарши кортга чиқади.