Қиличбозларимизга тенг келадиган топилмаяпти

Ўзбекистон Жисмоний тарбия ва спорт вазирлиги, Миллий олимпия қўмитаси, Миллий ахборот агентлиги, Миллий телерадиокомпанияси ҳамда мамлакатимиз қиличбозлик федерацияси томонидан ўтказилаётган мусобқада илк ғолиблар номи аниқланди.

Шамшир бўйича ўсмирлар ўртасидаги финал баҳсида ҳамюртимиз Санжарбек Собиров қозоғистонлик Илҳомжон Анарқуловни енгиб, олтин медални қўлга киритди. Мусобақанинг бронза медалларига Владислав Дуплакин (Қозоғистон) ва Асадбек Маматов (Ўзбекистон) сазовор бўлди.

Кадетлар ўртасидаги қилич йўналишида барча медаллар вакилларимизга насиб қилди. Ушбу баҳсларда Шерзод Мамутов, Фазилбек Генжабоев ва Бобур Расулов шоҳсупаган кўтарилди.

Шамшир бўйича ўсмир қизлар ўртасида ҳамюртимиз Жасмина Сувонова ғолиб бўлди, қирғизистонлик Камила Абдулхамитова кумуш, умидли спортчиларимиз Шаҳзода Эгамбердиева ҳамда Рада Қосимова эса бронза медалини қўлга киритди.

Қилич йўналиши бўйича кадетлар ўртасида Зайнаб Дайибекова, Венера Исроилова, Шаҳноза Тоғаймуратова, Гулбону Эсемуратова каби умидли спортчиларимиз шоҳсупага кўтарилди.