UZ

Сўнгги янгиликлар

12:08Дональд "Ковбой" Серроненинг навбатдаги рақиби ва жанг санаси маълум 0 11:47Top Seed Open. 302-ракетка бўлган Кэтрин Беллисни тўхтатишди 0 11:26Эшитдик-да! Жасур Жалолиддиновнинг трансфер ҳужжати қидирилмоқда 0 11:05Собиқ жаҳон чемпиони Энди Руис қайтмоқда, унинг рақиби маълум 0 10:44Хабиб Нурмагомедов ўз промоушенига асос солди 0 10:23Кике Сетьен: “Бавария” ҳақли бўлганидан ҳам кўпроқ гол урди 0 10:02Prague Open. Симона Халеп 1/2 финалда! 0 09:41Хабиб танқидчиларга жавоб қайтарди 0 09:19Фёдор Емельяненко реванш ўтказиши мумкин 0 08:40Месси ва Роналду 14 йил ичида илк бор ЕЧЛ ярим финалида ўйнамайди 1 08:18Забит Хабиб билан бир кунда жанг қилиши мумкин 0 07:42Хабиб Нурмагомедов: Бу жанг отамнинг орзуси эди 0 07:20#уйдақол! #ҳаётгақўшил! челленжининг илк ғолибларига совғалар етказиб берилди 0 05:09ЕЧЛ. 10 та гол киритилган ўйинда "Бавария" "Барселона"ни таслим этди 0 01:00Хабиб Конор ва Тонига шарт қўйди 0

06 июл 17:59
Янгиликлар

Футбол

Қисқа вақт ичида шонли тарих ярата олган "Бунёдкор" жамоаси 15 ёшда

Теглар :  ФутболБунёдкор
Тошкентнинг "Бунёдкор" жамоаси бугун 15 ёшга тўлди.

"Бундан роппа-роса 15 йил муқаддам, 2005 йилнинг 6 июль куни "Нефтгазмонтаж-Қурувчи" номи билан ташкил топган "Бунёдкор" бугун 15 ёшни қарши олди. Кейинчалик "Қурувчи" номи билан нафақат мамлакатимизда, балки Осиёда ҳам ўз ўрнига эга бўлган жамоамиз 2008 йил "Бунёдкор"га айлангач, дунё нашрларида ҳам тилга олина бошланди, амалга ошириётган ишлари эътироф этилди, "қалдирғочлар" янада баландроқ уча бошлади. Бу орада клубимизда ўша машҳур Зико, Луис Филипе Сколари каби мураббийлар ишлади. Ривалдо сингари жаҳон тан олган, Хосе Луис Вильянуэва каби моҳир тўпурар легионерлар «Бунёдкор» либосини кийишди. Испаниянинг гранд жамоаси "Барселона" билан ўзаро ҳамкорлик йўл қўйилди. Қисқа вақт ичида миллий терма жамоамизнинг ўзаги бўлган футболчилар "Бунёдкор" аъзоси сифатида майдонга туша бошлади. Амалга оширилган ислоҳатлар ўлароқ, клуб қошида футбол академияси қуриб битказилиб, фойдаланишга топширилди. Академиямиз тарбияланувчилари бўлган "қалдирғочлар" бугун жамоамизнинг асосий ўйинчиларига айланган. Қисқаси, "қалдирғочлар"нинг муваффақияти учун кўпчилик енг шимариб, ҳамжиҳатлик билан хизмат қилди. Лекин бу муваффақиятларнинг асоси айнан кимларга боғлиқ эканлигини барча билади, бугунги кунда ҳам уларни эътироф этади, яхши хотиралар билан тилга олади, шу жумладан биз ҳам! Зеро, "Бунёдкор"ни нафақат мамлакатимизда, балки Осиё ва дунё миқиёсида тан олиниши учун қилинган хизматлар унутилмайди!



Режага кўра, "Бунёдкор"нинг 15 ёшини катта тантаналар билан нишонлашни мақсад қилгандик. Хусусан, ўз вақтида жамоамиз шарафини ҳимоя қилган легионерлар ва "Пахтакор"нинг собиқ юлдузлари иштирокида ўша, ўз вақтида кучли бешликнинг машҳур дербиларидан қолишмаган "Бунёдкор" - "Пахтакор" учрашувини мухлислар учун яна "жонлантиришни" режалаштиргандик. Аммо Республикамизда ҳукм сураётган пандемия ва карантин даври бу режаларни амалга оширишимизга тўсқинлик қилмоқда. Боиси, доимо мухлислар учун тўп сурган "қалдирғочлар" ушбу шоу учрашувни "Бунёдкор" стадионида ишқибозлар кўз ўнгида ва олқишлари остида ўтказишни ният қилган. Айтиш керакки, клуб раҳбарияти ҳали ҳам ўз мақсадидан қайтгани йўқ. Республика Махсус комиссияси қарори билан ишқибозларни стадионга қайтишига рухсат берилса, "Бунёдкор" 15 йиллик тантаналар учун ишлаб чиққан дастурини ҳаётга татбиқ этишни бошлайди. Жумладан, мухлислар ўша машҳур "Бунёдкор" - "Пахтакор" дербисини бевосита стадионда яна кўриш имкониятига эга бўлишади. Шунингдек, бу шоу учрашув орқали фаолиятининг сўнгги йилини «қалдирғочлар» сафида ўтказиб, бутсасини михга илган ўйинчилар учун хайрлашув ўйинига ҳам айланади. Хуллас, Сиз учун ўйнайдиган "Бунёдкор" 15 ёшда",- дея хабар беради "Бунёдкор" клуби матбуот хизмати. 

Қуйида "Бунёдкор"нинг юлдузли таркибдаги суратларини томоша қилишингиз мумкин.






Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг