Қизилтепанинг сўлим "Тўдакўл"ида катта профессионал бокс оқшоми!

Ўзбекистон профессионал бокс федерацияси, Навоий вилояти ҳамда Қизилтепа тумани ҳокимликлари кўмагида Uzbekistan Boxing Promotion промоутерлик компанияси томонидан ташкил этилаётган ушбу проф бокс оқшоми Ўзбекистон Республикаси Президентининг 2021 йил 29-апрель кунги ПК-5099-сонли, боксни ривожлантириш қарори ижросини таъминлаш ҳамда Ўзбекистон мустақиллигининг 31 йиллиги муносабати ўтказиляпти. 

Навоий вилояти ҳокими соврини учун ўтказилаётган бокс кечаси кардидан жами 8 та жанг ўрин олган. Турнирнинг асосий мақсади истеъдодли ёш профессионал боксчиларимизнинг жаҳон рингларига чиқиши учун кўмак беришдан иборат. Аксарият боксчилар 24 сентябрь оқшомида ўзларининг дебют жангларини ўтказишади.     

Марказий жанг суперярим ўрта вазн (69,8 кг) тоифасида ўтказилади ва реванш мақомида бўлади. Саккиз раундга мўлжалланган жангда самарқандлик Жамшид Каримов (9-0-6) анча тажрибали ҳисобланган пойтахтлик Баҳром Фаёзов (22-20-0)га қарши рингга кўтарилади. Қолган барча жанглар 4 раунд қилиб белгиланган.  

Оқшом жуфтликлари:

57 кг: Жамшид Авазов (Тошкент) - Азамат Жумаев (Бухоро)

59 кг: Темур Қўшоқов (Тошкент) - Ҳаётжон Машарипов (Қўқон)

63 кг: Раҳматилла Шарипов (Бухоро) - Бахтиёр Ғофуров (Қорасув)

63 кг: Зоиржон Жуманазаров (Тошкент) - Жамшид Сиддиқов (Фарғона)

66 кг: Омадбек Абдураимов (Навоий) - Камрон Абдулазизов (Фарғона)

75 кг: Логин Петров (Навоий) - Одилжон Жўрабоев (Фарғона) 

86 кг: Фахриддин Салимов (Фарғона) - Шоҳруз Раҳимов (Самарқанд)

69 кг: Жамшид Каримов (Самарқанд) - Баҳром Фаёзов (Тошкент)